Aínda que a noticia non está escrita en galego, Marcos Alonso, membro do colectivo Malaherba e pai dun dos nosos alumnos, fala neste artigo, publicado en "La voz de Galicia", sobre unha das lendas da nosa parroquia.
Así que pensamos que pode ser do voso interese para coñecer un pouco máis da nosa historia.
Animádevos a lelo!
O vindeiro 23 de febreiro conmemórase o Día de Rosalía de Castro e xa podes visitar o recuncho da biblioteca no que consultar a súa historia e algunha das súas obras.
Así mesmo deixámosvos unha pequena biografía feita polo alumnado do CEIP Juan Rey de Vilanova de Lourenzá para que coñezades un pouco máis da súa vida.
Os nenos de 6º de E.I. decidiron intercambiar correspondencia co alumnado do mesmo curso da EEI A Pastora de Cambados tras saber que foi o cole no que estivo a súa mestra Nati antes de chegar ao Josefa Alonso.
Despois de pensar o que querían contarlles e preguntarlles, redactaron entre todos a carta e a escribiron. Metérona no sobre, puxeron o selo, remitente e destinatario e foron a levala á caixa de correos todos xuntos.
Esta será a primeira de moitas!
Se non sabes que facer esta fin de semana, unha boa idea e ver algunha película ou serie en Galego. E para que poidas atopar unha grande selección delas, deixámoste aquí varios enlaces para que poidas facelo: https://aschavesdalingua.gal/peliculas-e-series-en-galego/
Cal é a túa favorita?
A Real Academia Galega e a Asociación PuntoGal convocan o VIII Concurso de microrrelatos, no que serán premiadas as nove mellores composicións que se presenten nas tres categorías: infantil, xuvenil e maiores de idade. Podedes enviar os traballos ata o 28 de febreiro.
Todos os detalles da convocatoria están en: https://relatos.gal/.
Ademáis o IES Castelao de Vigo organiza, no marco das conmemoracións deste ano dedicado ao ilustre rianxeiro, o concurso literario-artístico As Cousas do Castelao.
Poderán participar alumnas e alumnos de calquera centro de Galicia e tamén persoas adultas. As obras, que terán que ser inéditas e constar de texto e ilustración ao xeito das Cousas, deberán remitirse ao correo: cousasdocastelao@gmail.com, ata o 30 de marzo.
Animádevos a participar!
Se hai algo que temos de sobra nesta escola é talento. E hoxe, para pechar o curso, foi o día elixido para que o alumnado subira ao escenari...
