Hoxe querémosvos propoñer un plan para esta fin de semana, e que mellor idea que a de facer unha excursión ate Pontevedra para visitar o Salón do libro 2025 para mergullarse no máxico mundo da literatura.

Podedes atopar toda a información sobre o programa e as actividades que teñen planificadas na páxina web oficial: https://www.salondolibro.gal/ 

Hoxe o alumnado de E.I. da escola, acudiu á Sala Ártika para gozar da representación da obra: "Pum! Pum! Quen hai?" unha comedia musical que celebra a curiosidade, a diversidade e o valor da convivencia, mesturando humor, música e emocións.

Dita sala, este ano, festexa o seu décimo aniversario cun percorrido cheo de arte, creatividade e innovación escénica nun espazo independente e comprometido coa cultura Galega.

Podedes atopar máis información sobre a programación que teñen e a súa escola de interpretación no seu enderezo web: https://artikavigo.com/

Entre o 10 e o 16 de marzo conmemoramos a Semana da Prensa e foron moitas as actividades que se fixeron na escola.

Hoxe os nenos e nenas de E.I. ao chegar á aula de Psicomotricidade atopáronse cunha instalación chea de letras coa que experimentar: resgaron, pasaron por debaixo das cortinas, fixeron camas, buscaron as letras dos seus nomes, leron titulares, comentaron fotos, debuxaron...

E ti, que farías?

GALEGAS INFLUENTES NA CULTURA

Hoxe 7 de marzo, no periódico "La voz de Galicia" atopamos un artigo sobre as 20 mulleres máis infuentes na cultura galega moi interesante e queriamos compartilo convosco. 

Podedes consultalo na seguinte ligazón: https://www.lavozdegalicia.es/noticia/fugas/2025/03/07/20-galegas-mais-influentes-da-cultura/0003_202503SF7P1991.htm#:~:text=Algunas%20das%20mulleres%20galegas%20m%C3%A1is,Marta%20Pazos%20e%20Chelo%20Loureiro.

Sabemos que son moitísimas máis e gustaríanos saber cal sería a vosa elexida.

MANIFESTO 8 M

Hoxe, 7 de marzo, reunímonos para reivindicar o papel fundamental das mulleres na nosa sociedade. Este día é unha oportunidade para reflexionar sobre os logros alcanzados, pero tamén para visibilizar as desigualdades que aínda persisten.

As mulleres son unha parte esencial da nosa comunidade. Son nais, fillas, irmás, amigas e profesionais que contribúen cada día ao benestar e ao progreso do noso mundo. Sen embargo, a pesar dos avances, moitas mulleres seguen enfrontándose a obstáculos que limitan as súas oportunidades e dereitos.

Neste día, queremos:

1. Reivindicar a igualdade: Todas as mulleres merecen ter as mesmas oportunidades que os homes, tanto no ámbito laboral como no persoal. É fundamental que se eliminen as barreiras que impiden o seu avance.

2. Visibilizar a violencia de xénero: A violencia contra as mulleres é unha realidade que non podemos ignorar. Debemos traballar xuntos para erradicar esta lacra e crear un entorno seguro para todas.

3. Celebrar os logros: É importante recoñecer e celebrar as contribucións das mulleres en todos os ámbitos: na ciencia, na arte, na educación, na política e na vida diaria. Cada logro é un paso cara a unha sociedade máis xusta.

4. Educar en igualdade: Desde as aulas, debemos fomentar valores de respeto e igualdade entre nenos e nenas. A educación é a clave para construir un futuro onde todas as persoas sexan valoradas por igual.

Hoxe, chamamos a toda a comunidade a unirse a nós nesta conmemoración. Que cada un de nós se comprometa a ser un aliado na loita pola igualdade de xénero. Xuntos, podemos crear un mundo onde as mulleres sexan libres para soñar, para elixir e para vivir sen limitacións.

XXIX Certame Francisco Añón de Poesía

Co obxecto de promocionar os valores creativos e literarios en língua galega, asemade de homenaxear ao Poeta Francisco Añón, publicouse o XXIX Certame de poesía que leva o nome do célebre poeta. Poderán participar todas as persoas interesadas, de calquera nacionalidade, que presenten os orixinais escritos en lingua galega. Os textos deberán ser inéditos e non premiados noutros concursos.

Prazo de presentación das obras: desde o día seguinte ao da publicación no boletín oficial da provincia ata o día 31 de marzo de 2025 (incluído). 

Cumprirá consultar as bases da convocatoria no referido á forma de presentación, categorías de premios e contías, entre outra información relevante no seguinte enlace á web da Consellería de Educación: 

https://www.edu.xunta.gal/portal/node/45798