FESTA DA SEMENTEIRA

Coma cada ano na nosa parroquia terá lugar a Festa da Sementeira. Deixámosvos o cartel coa programación por se vos animades a participar.

DÍA DO LIBRO

Un ano máis, conmemoramos na escola o Día do libro, co apadriñamento lector no que os maiores escollen un conto adaptado aos pequenos e comparten xuntos a lectura do mesmo.

Este ano por mor do tempo tocounos facelo no interior do centro no que cada parella buscou un recanto do seu agrado para ler; e ao rematar, os maiores tamén tiveron unha sorpresa feita con moito cariño polos pequenos: un marca páxinas personalizado. 

RECOMENDACIÓNS LECTORAS

Os nenos e nenas de Educación Infantil, 1º de E.P. e 6º de E.P. do CEIP Vilatuxe queren recomendarvos algúns dos seus contos e libros favoritos para festexar que hoxe é o día do libro.

Estamos seguras de que moitos deles xa os coñecedes...

Cal sería a vosa recomendación?

Recomendación de E.I:

Recomendación de 1º E.P:

Recomendación de 6º de E.P:

Hoxe querémosvos propoñer un plan para esta fin de semana, e que mellor idea que a de facer unha excursión ate Pontevedra para visitar o Salón do libro 2025 para mergullarse no máxico mundo da literatura.

Podedes atopar toda a información sobre o programa e as actividades que teñen planificadas na páxina web oficial: https://www.salondolibro.gal/ 

Hoxe o alumnado de E.I. da escola, acudiu á Sala Ártika para gozar da representación da obra: "Pum! Pum! Quen hai?" unha comedia musical que celebra a curiosidade, a diversidade e o valor da convivencia, mesturando humor, música e emocións.

Dita sala, este ano, festexa o seu décimo aniversario cun percorrido cheo de arte, creatividade e innovación escénica nun espazo independente e comprometido coa cultura Galega.

Podedes atopar máis información sobre a programación que teñen e a súa escola de interpretación no seu enderezo web: https://artikavigo.com/

Entre o 10 e o 16 de marzo conmemoramos a Semana da Prensa e foron moitas as actividades que se fixeron na escola.

Hoxe os nenos e nenas de E.I. ao chegar á aula de Psicomotricidade atopáronse cunha instalación chea de letras coa que experimentar: resgaron, pasaron por debaixo das cortinas, fixeron camas, buscaron as letras dos seus nomes, leron titulares, comentaron fotos, debuxaron...

E ti, que farías?

GALEGAS INFLUENTES NA CULTURA

Hoxe 7 de marzo, no periódico "La voz de Galicia" atopamos un artigo sobre as 20 mulleres máis infuentes na cultura galega moi interesante e queriamos compartilo convosco. 

Podedes consultalo na seguinte ligazón: https://www.lavozdegalicia.es/noticia/fugas/2025/03/07/20-galegas-mais-influentes-da-cultura/0003_202503SF7P1991.htm#:~:text=Algunas%20das%20mulleres%20galegas%20m%C3%A1is,Marta%20Pazos%20e%20Chelo%20Loureiro.

Sabemos que son moitísimas máis e gustaríanos saber cal sería a vosa elexida.