Hoxe os protagonistas foron as persoas máis importantes do cole: todas as nosas alumnas e alumnos.
Con exposicións orais demostraron todo o que traballaron investigando durante o curso o PDI dos continentes. Falaron sobre animais, tipos de casas, civilizacións, tradicións…
Na segunda xornada da Semana Cultural as protagonistas foron as Cantareiras, ás que se lle dedica este ano o Día das Letras Galegas. Aprendimos moito sobre elas e sobre a tradición musical galega. O mellor do día foi ter a sorte de contar entre o noso alumnado con auténticas pandereteiras e pandereteiros que animaron a xornada a ritmo de “Palmira”.
Comezan na escola ás actividades da Semana Cultural!
Onte, por mor das condicións meteorolóxicas adversas, non puidemos realizar a primeira, un taller de orientación, que quedou adiado.
Hoxe os nenos e nenas da escola descubriron e gozaron con varios xogos tradicionais de madeira que lles ofreceron diversos beneficios, incluíndo o desenvolvemento físico, cognitivo, social e emocional. Estes xogos fomentan a creatividade, a imaxinación, a coordinación, a concentración, a memoria e as habilidades de resolución de problemas. Ademais, promoven a socialización, o traballo en equipo, a cooperación e o respecto polas normas. E todo iso, creando lazos coa nosa cultura.
Debido ás condicións metereolóxicas adversas, a festa quedou adiada para o vindeiro 17 de maio.
Coma cada ano na nosa parroquia terá lugar a Festa da Sementeira. Deixámosvos o cartel coa programación por se vos animades a participar.
Os nenos e nenas de Educación Infantil, 1º de E.P. e 6º de E.P. do CEIP Vilatuxe queren recomendarvos algúns dos seus contos e libros favoritos para festexar que hoxe é o día do libro.
Estamos seguras de que moitos deles xa os coñecedes...
Cal sería a vosa recomendación?
Recomendación de E.I:
Recomendación de 1º E.P:
Se hai algo que temos de sobra nesta escola é talento. E hoxe, para pechar o curso, foi o día elixido para que o alumnado subira ao escenari...
